Lehiaketa

Lehiaketan parte
hartzeko oinarriak

45. Euskal Zine Bilera

Lekeitio 2022

PARTE HARTZEA

  1. Edozein film egilek har lezake parte Euskal Zine Bileran (EZB).

Lanak

  1. EZB denez gero, euskara izango da lehiaketara aurkezten diren lanetan erabiliko den hizkuntza, filmen elkarrizketak edo off ahotsa erabiltzen badira. Euskaraz gain beste hizkuntzaren bat erabiltzen bada, azpitituluak jarriko dira euskaraz eta azpititulu hauek irudira txertatuta joango dira.
  2. Lanek gehienez 30 minutu izango dute.
  3. Edozein genero edo tratamendu zinematografiko lantzen dituzten filmak aurkeztu ahalko dira. Aukeraketaz kanpo geratuko dira bideoklipak, iragarkiak, spotak eta bideo korporatiboak.
  4. Ez dira onartuko aurreko urteetako edizioetara aurkezturiko lanak ezta 2021eko urria baino lehen egindakoak.
  5. Ez dira onartuko arraza, sinesmen, etnia, adin, erlijio, sexu, genero identitate, sexu orientazio, itxura fisiko edo pertsonen gaitasunak iraintzen, gutxiesten edo jazartzen dituzten lanak. Hala eta guztiz ere, antolatzaileek ez dituzte bere egiten film laburretan egiten diren adierazpenak, erabilitako irudiak edota isuritako iritziak. Beraz, ez dute horien gaineko inolako erantzukizunik.
  6. Euskal Zine Bilerako lehiaketan parte hartzen duten lanak zineman proiektatuko dira edota Euskal Zine Bileraren web orrialdean. Hortaz, parte hartzaileek baimena ematen dute beraien filmak zineman jartzeaz gain, lehiaketako egunetan online jartzeko, ordutegi mugatu baten barnean.

Izen ematea

  1. Izen ematea zinebilera.eus orrialdearen bitartez egingo da.
  1. Pelikulak Youtube edo Vimeo bezalako kanaletara igo beharko dira eta pasahitz edo link pribatua izan beharko dute. Izen-emate orriarekin batera:
    – Pelikularen linka eta/edo pasahitza
    – Hiru fotograma
    – Kartela (edukiko balu)
    – Egilearen datu pertsonalak
    Webgunean jarritako linka izango da aukeraketa batzordeak erabiliko duena. Aukeratua izanez gero, epaimahaikideek ere link berbera erabiliko dute filmeak ikusteko, beraz partaideek linka aldaketarik gabe bere horretan mantentzeko erantzukizuna dute. Linkaren edozein motako aldaketak lehiaketan parte-hartzeko aukera ukatuko dio partaide/egileari.
  2. Lanak aurkezteko azken eguna 2022ko uztailak 31 izango da.

Aukeraketa

  1. Aurkeztutako lanen hautaketa Aukeraketa Batzordeak egingo du. Sail ofizialean parte hartzeko hautatuei zein kanpoan geratu direnei 2022ko irailaren erdian jakinaraziko
    zaie erabakia.
  2. Aukeraketa egiteko orduan, Lea Artibai eskualdeko egileen lanak jaialdian egotea bultzatuko da, lehiaketa barnean zein lehiaketaz kanpo.
  3. Egileei aukeraketaren berri eman ostean, beraien pelikulak mp4 edo mov HD formatuetan bidali beharko dituzte lehiaketan parte hartzeko.

Sariak

  1. Sail ofizialeko lanen egileei sari banaketa ekitaldian parte hartzea errazteko Lekeition gaua igarotzeko aukera eskainiko zaie. Film bakoitzaren egileari gela bikoitza ziurtatuko zaio. Gaua igarotzera geratu ezin diren egileen kasuan dieta gastuak ordainduko zaizkie.
  2. Euskal Zine Bilerako lehiaketan aukeratuak izatean film guztiek jaialdiaren ikurra jasoko dute.
  3. Sarituko diren arloak:
    Film onenaren saria
    – 3.000 €
    Zuzendaritza onenaren saria
    – 1.600 €
    Gidoi onenaren saria
    – 1.600 €
    Ikusleen saria
    – 750 €
    Gazte 22 saria (2000. urtetik aurrera jaiotakoentzat): Kategoria honetan lehiatu nahi duenak izena emateko orrian adierazi beharko du eta eskariari NAN kopia bat erantsi beharko dio.
    – 750€
    *Sariak erretentzio fiskalari lotuta daude.
  1. Epaimahaiak sariren bat eman gabe uzteko ahalmena du eta bere erabakiak behin betikoak eta aldaezinak dira.
  2. Epaimahaiak aurkeztutako lanen artean aipamen berezia egiteko ahalmena dauka. Aitortza honek ez du ordainsaririk
    izango baina filmea urteko palmaresaren parte izango da.
  3. Sariak jaialdiaren amaierako ekitaldian jakinarazi eta banatuko dira. Irabazleak edo honen ordezkariak amaiera ekitaldian parte hartuko dute. Hau da, sariak eskuratu ahal izateko beharrezkoa izango da sari banaketa ekitaldian parte hartzea.
    *Edozein arrazoirengatik jaialdia ez balitz ospatuko, sariak hutsik geratuko dira.
  1. Lehiaketa honetan saria edo aipamen berezia jasotzen duten lanek Euskal Zine Bilera jaialdian emandako ikurra jarri beharko dute bere publizitatean.
  2. Egileak haien lanen eskubideen jabe izanda ere, Euskal Zine Bilerako sail ofizialean hautatutako filmak proiektatzeko eta bere plataformetan partekatzeko baimena izango du, jaialdiko programa edo promozio ekitaldietan. Beti ere hurrengo baldintzekin: Irabazi asmorik gabeko ustiapena izango da eta egilearen izena argi utziko da. Filmaren zabalpena ekintza zehatzetan egingo da, epe tarte mugatuetan eta egileekin adostuta aurretiaz.

    GALDETEGIA

    Galdeketa honen bitartez 45. Euskal Zine Bilerako Lehiaketan izena emango duzu. Ez ahaztu galdeketa honetan parte hartu nahi duzun lanaren link-a eta pasahitza ipini beharko dituzula.

    PELIKULAREN ORDEZKARIA (baldin badago)

    EGILEAREN DATUAK

    LANAREN DESKRIBAPENA

    3 fotograma (2000px alde handiena, 72ppp)



    GAZTE 22 SARIA

    OHARRAK

    Autoreak bidaltzen duen sinopsi bera erabiliko da zinemaldiaren egitaraua egiteko, ez da inolako zuzenketarik egingo.

    Online formatura aldatu eta baldintza berriak izanez gero, parte hartzaile guztiekin jarriko gara harremanetan beraien onarpena izateko helburuarekin.


    Idatzi honen bidez egiaztatzen dut Euskal Zine Bileraren oinarriak ezagutu eta onartzen ditudala eta gorago aipatu ditudan datuak egiak direla.